Fasteignamarkaðurinn ehf. s: 570-4500 kynnir til sölu virkilega bjarta, fallega og vel skipulagða 129,3 fermetra 3ja herbergja íbúð á 6. hæð með tvennum svölum, glæsilegu útsýni og með sérmerktu bílastæði í lokaðri og upphitaðri bílageymslu í kjallara hússins.
Eingöngu tvær íbúðir eru á hæð sameign er öll mjög snyrtileg og vel umgengin. Stór garður er á milli húsanna sem er virkilega fallegur með harðviðarveröndum, hellulögðum flötum og leiktækjum fyrir börn. Góð aðkoma er að húsinu og fjöldi sameiginlegra bílastæða á lóð.
Íbúðin skiptist í forstofu, hol, eldhús, þvottaherbergi, borðstofu, stofu, gang, baðherbergi, tvö svefnhverbergi og sérgeymslu á jarðhæð ásamt sérmerktu bílastæði.
Lýsing eignar:Forstofa, parketlögð og með fataskápum.
Hol, parketlagt.
Borðstofa, parketlögð, björt og rúmgóð með útgengi á mjög rúmgóðar og skjólsælar svalir til suðurs.
Eldhús, opið við borðstofu, parketlagt og bjart með fallegum innréttingum úr eik, hvítum efri skápum, flísum á milli, ofn í vinnuhæð og tengi fyrir uppþvottavél. Stór eyja með góðum hirslum, helluborði, háfi og borðaðstöðu.
Þvottaherbergi, flísalagt gólf, vélar í vinnuhæð og vaskur.
Stofa, parketlögð og rúmgóð með útgengi á litlar svalir til norðvesturs með fallegu útsýni.
Gangur, parketlagður.
Barnaherbergi, rúmgott, parketlagt og með fataskáp.
Baðherbergi, rúmgott, flísalagt gólf og veggir, innrétting og skápur, vegghengt wc, handklæðaofn og flísalögð sturta með sturtugleri.
Hjónaherbergi, rúmgott, parketlagt og með fataskápum á heilum vegg.
Í kjallara hússins eru:Sérmerkt bílastæði með möguleika á rafhleðslustöð.
Sérgeymsla, sem er með góðri lofthæð og er 12 fermetrar að stærð.
Á jarðhæð hússins er sameiginleg hjólageymsla með aðgengi út á lóð til norðurs.Húsið að utan er klætt með áli og er því viðhaldslítið.Lóðin, sem er 14.963,0 fermetrar að stærð og er sameiginleg með húsunum nr. 7-17 við Mánatún, er fullfrágengin með stórum inngarði þar sem er fjöldi sameiginlegra bílastæða, stórar harðviðarverandir, stórar hellulagðar verandir og stígar og falleg lýsing.
Staðsetning eignarinnar er virkilega góð, mjög miðsvæðis þaðan sem stutt er í verslanir, þjónustu, miðborgina, Laugardalinn o.fl.
Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu [email protected]
Fjölbýli/ Fjölbýlishús með lyftu 
3 herb.
129 m2
124.900.000 