Fasteignamarkaðurinn ehf. s. 570-4500 kynnir til sölu einstaklega fallega, vandaða, bjarta og vel skipulagða 4ra - 5 herbergja 148,5 fermetra endaíbúð með tveimur baðherbergjum á efri hæð í vönduðu litlu fjölbýlishúsi með lyftu auk sér bílastæðis í bílageymslu á rólegum og fallegum stað við Seinakur í Garðabæ. 

Íbúðin er einstaklega björt með gluggum í þrjár áttir, gólfsíðum gluggum í stofu til vesturs og útgengi á stórar svalir til vesturs.  Fallegt útsýni er frá íbúðinni yfir Garðabæinn, út á sjóinn, að Bessastöðum og víðar.

Lyfta er í stigahúsi sem liggur í miðju húsinu, en úr því er gengið út á svalir með glerlokun og þaðan um sérinngang inn í íbúðina.   Húsið er mjög vel hljóðeinangrað.

Gluggar eru á öllum votrýmum íbúðarinnar, þ.e. baðherbergjum og þvottaherbergi og gólfhiti er einnig í þeim rýmum. 
Nýtt, fallegt og vandað kvistað eikarparket er á gólfum íbúðarinnar og nýjir gólflistar.

Lýsing eignar:
Forstofa, flísalögð og rúmgóð með fataskápum.
Hol, parketlagt og bjart með glugga og er í dag nýtt sem sjónvarpshol, en hægt væri að breyta því í svefnherbergi.
Gangur, parketlagður.
Barnaherbergi, stórt, parketlagt og með fataskápum.
Baðherbergi I, með glugga, flísalagt gólf og veggir, innrétting, vegghengt wc og hornbaðkar.
Þvottaherbergi, með glugga, flísalagt gólf og miklar innréttingar með vinnuborði og vaski.
Hjónaherbergi, stórt, parketlagt og með fataskápum á tveimur veggjum.  
Baðherbergi II, innaf hjónaherbergi er með glugga. Flíslagt gólf og veggir, innrétting, vegghengt wc og sturtuklefi.
Eldhús, parketlagt bjart og rúmgott, opið við stofu. Fallegar eikarinnréttingar og eyja með kvartsteini á borðum og á hliðum á eyju. Gler er á milli skápa, tengi fyrir uppþvottavél, gert ráð fyrir tvöföldum ísskáp með klakavél og borðaðstaða er við eyju.
Stofur, parketlagðar, bjartar og stórar með gluggum til suðurs og gólfsíðum gluggum og útgengi á stórar svalir til vesturs. Fallegt útsýni er frá stofum og svölum yfir bæinn, út á sjóinn og að Bessastöðum.

Í kjallara hússins eru:
Sér bílastæði í lokaðri og upphitaðri bílageymslu.  Stæðið er mjög vel staðsett og keyrt beint inn í það þegar ekið er inn í bílageymsluna.  Þvottaaðstaða fyrir bíla er í bílageymslu og er hún nýmáluð, björt og mjög snyrtileg.
Sérgeymsla, 18,8 fermetrar að stærð með lökkuðu gólfi.
Sameiginleg hjóla- og dekkjageymsla, er innaf bílskýli.

Húsið að utan lítur mjög vel út, ál- og viðarklætt og því viðhaldslítið. Gluggar í húsinu eru ál/tré.
Lóðin er fullfrágengin með góðri aðkomu og nægum bílastæðum. Hellulagðar stéttir við húsið eru með hitalögnum undir og hitalagnir eru einnig í rampi niður að bílageymslu. Seinakur 3 fékk viðurkenningu frá Garðabæ árið 2022 fyrir fallega lóð og smekklegan frágang.

Staðsetning eignarinnar er mjög góð á eftirsóttum og rólegum stað í Akralandinu í Garðabæ þaðan sem stutt er í leikskóla, Hofstaðaskóla, FG, verslun Krónunnar, fallegar göngu- og hjólaleiðir og út á aðalbrautir.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða  á netfanginu [email protected]