Opið hús: 14. nóvember 2024 kl. 17:00 til 17:30.

Þórsgata 8 - Mjög falleg 3ja herbergja íbúð í risi - Opið hús fimmtudaginn 14. nóvember á milli kl. 17.00 og 17.30 - Verið velkomin - Athugið að eignin verður ekki sýnd fyrr en á opnu húsi

Fasteignamarkaðurinn ehf. s: 570-4500 kynnir til sölu virkilega fallega, bjarta og vel skipulagða 3ja herbergja 56,3 fermetra íbúð í risi í fallegu steinsteyptu 5 íbúða húsi á frábærum stað í Þingholtunum.  
Virkilega fallegt útsýni er frá stofu út á sjóinn til suðurs og að Reykjanesi og til vesturs út á sjó og að Snæfellsjökli. 
Geymsluris er yfir íbúðinni og sameiginlegt þvottaherbergi er á jarðhæð hússins með sértenglum fyrir hverja íbúð.

Húsið hefur veið þó nokkuð endurnýjað:
- 2012 var rafmagnstafla hússins endurnýjuð og raflagnir í sameign
- 2014 skólplagnir fóðraðar
- 2015 gluggar og tréverk málað
- 2016 dyrasímakerfi endurnýjað
- 2017 Múrviðgerðir á framhlið hússins, loft í undirgangi endurbyggt og einangrað og eldvarnarhurðir settar upp frá íbúðum í stigahús
- 2019 neysluvatnslagnir í öllum íbúðum endurnýjaðar, lagnir í sameiginlegu þvottaherbergi yfirfarnar og sett upp vifta. Hús sprunguviðgert með inndælingu.
- 2020 þakpappi og þakjárn á kvistum rishæðar endurnýjað og settar upp nýjar þakrennur og niðurföll. Gluggar í risíbúðum endurnýjaðir og gler.
- 2021 frárennslislagnir frá húsi út að götulögn fóðraðar af Veitum og steyptur pallur undir þvottavélar í þvottaherbergi.

Lýsing eignar
Forstofa / gangur, dúklagður og með innbyggðum fataskápum í vegg.
Herbergi I, dúklagt og með góðum gluggum til norðurs.
Baðherbergi, nýlega endurnýjað með náttúruflísum á gólfi, vegghengdu wc, flísalagðri sturtu og góðri loftræstingu.
Eldhús, dúklagt og bjart með borðaðstöðu og fallegum nýlegum IKEA innréttingum með viðarborðplötu.  Gott skápapláss er í eldhúsi.
Herbergi II, dúklagt og rúmgott með fataskápum á heilum vegg.
Stofa, parketlögð, björt og afar rúmgóð með sérsmíðuðum hillum á heilum vegg og sérsmíðuðum skápum og hillum á hluta annars.  Frá stofu nýtur fallegs útsýnis til suðurs út á sjóinn og að Reykjanesi og til vesturs út á sjóinn og að Snæfellsjökli.
Geymsluloft er yfir íbúðinni og er farið í það um lúgu með fellistiga á gangi íbúðarinnar.

Lóðin er fullfrágengin og í óskiptri sameign með öðrum eignarhlutum hússins.
Á baklóð er útigeymsla, en hún hefur ekki verið notuð árum saman.

Staðsetning eignarinnar er virkilega góð á grónum, rólegum og eftirsóttum stað í Þingholtunum þaðan sem stutt er í leikskóla, skóla, verslanir, veitingastaði, Sundhöll Reykjavíkur og allt það sem miðborgin hefur upp á að bjóða.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu [email protected]