Opið hús: 22. október 2024 kl. 17:15 til 17:45.

Blómahæð 1 - Mjög glæsilegt, mikið endurnýjað og vel skipulagt 6 herbergja 187,7 fermetra endaraðhús á frábærum stað í Garðabæ - opið hús þriðjudaginn 22. október á milli kl. 17.15 og 17.45 - Verið velkomin

Fasteignamarkaðurinn ehf. s: 570-4500 kynnir til sölu virkilega glæsilegt, vel skipulagt og mikið endurnýjað 188,7 fermetra endaraðhús á pöllum með innbyggðum 33,4 fermetra flísalögðum bílskúr á frábærum stað miðsvæðis í Garðabæ.
Mjög mikil lofthæð er í húsinu öllu og innfelld lýsing í loftum. Fallegt útsýni frá borðstofu/eldhúsi og af veröndum.

Eignin stendur á 556,0 fermetra lóð sem er virkilega falleg með stórum og skjólsælum viðarveröndum til suðurs og stórri hellulagðri innkeyrslu og stéttum á framlóð.

Eignin hefur verið mjög mikið endurnýjuð að innan, t.d. gólfefni, baðherbergi og fleira.  Nýlegt járn er á þaki hússins.

Lýsing eignar:
Forstofa, flísalögð og rúmgóð með fataskápum.
Bílskúr, flísalagt gólf og hluti veggja, gluggar, mikil lofthæð og góð innrétting með vaski og stæðum fyrir þvottavél og þurrkara.
Sjónvarpshol, flísalagt og bjart með mikilli lofthæð og þaðan horft yfir borðstofu og stofu á neðri pöllum.
Barnaherbergi I, parketlagt og rúmgott með fataskápum.
Barnaherbergi II, parketlagt og rúmgott.
Barnaherbergi III, parketlagt og rúmgott með fataskápum.
Baðherbergi, með glugga, flísalagt gólf og veggir, innrétting með graníti á borði, veggskápur, vegghengt wc, handklæðaofn, baðkar með innbyggðum Vola tækjum í vegg og óbeinni lýsingu undir flísalögn og stór flísalögð sturta með sturtugleri og innbyggðum Vola tækjum í vegg.

Gengið er niður á neðri pall hússins um flísalagðan steyptan stiga úr sjónvarpsholi.  Gólfhitalagnir eru á þessum palli hússins og lofthæð er mikil.
Eldhús, flísalagt og bjart með gluggum í tvær áttir. Fallegar svartar innréttingar með flísum á borðum og á milli skápa. Tveir ofnar og innbyggð uppþvottavél í innréttingu. Stór eyja með flísalögðu borði, helluborði og áfastri borðaðstöðu.
Borðstofa, opin við eldhús, físalögð og með útgengi á stóra og skjólsæla viðarverönd til suðurs og þaðan á lóð.  Úr borðstofu er einnig horft yfir setustofu á neðsta palli hússins.
Hjónasvíta: samanstendur af baðherbergi, fataherbergi og svefnherbergi.
Fataherbergi, flísalagt og með innréttingum.
Baðherbergi, flísalagt gólf og veggir, innrétting, handklæðaofn og flísalögð sturta.
Hjónaherbergi, sem gengið er niður 5 þrep í um flísalagðan steyptan stiga er parketlagt og rúmgott með útgengi á skjólsæla viðarverönd til suðurs.

Gengið er niður á neðsta pall hússins um flísalagðan steytpan stiga úr borðstofu.
Setustofa, parketlögð, björt og rúmgóð með stórum gluggum til suðurs og mikilli lofthæð.

Húsið að utan, er nýlega málað og lítur vel út. Nýlegt járn er á þaki hússins.

Lóðin er virkilega falleg.  Á framhlóð er stór hellulögð innkeyrsla og stétt með hitalögnum undir að mestu auk trjágróðurs. Á baklóð hússins eru tvær stórar viðarverandir með skjólveggjum úr gleri, tyrfð flöt og trjágróður.

Staðsetning eignarinnar er virkilega góð á fallegum útsýnisstað þaðan sem stutt er í leikskólann Hæðarból, Hofstaðaskóla, FG, Krónuna og afar stutt er út á tvær aðalbrautir.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu [email protected]