Fasteignamarkaðurinn ehf. s: 570-4500 kynnir til sölu vandaða og glæsilega 118,8 fermetra 3ja herbergja íbúð á efstu hæð með gluggum í þrjár áttir, stórkostlegu útsýni, tveimur baðherbergjum, suðursvölum og mjög stórum þaksvölum í þrjár áttir auk sér bílastæðis í bílakjallara þar sem lagt hefur verið fyrir rafhleðslustöð.  Aðeins tvær íbúðir eru á hæðinni. 

Verulega aukin lofthæð er í eigninni, vandaðar innréttingar með kvartsteini á borðum, tvö baðherbergi, stórt barnaherbergi, stórt hjónaherbergi með baðherbergi innaf, innfelld lýsing í loftum, gólfsíðir gluggar að hluta, gólfhitalagnir og mjög falleg eldhúsinnrétting og eyja með miklu skápaplássi. 

Lýsing eignar:
Forstofa, parketlögð og með fataskápum.
Baðherbergi I, mjög rúmgott, flísalagt gólf og veggir, innrétting, speglaskápar með lýsingu í, vegghengt wc, handklæðaofn, flísalögð sturta með sturtugleri og innrétting með stæðum fyrir þvottavél og þurrkara.
Barnaherbergi, mjög stórt, parketlagt og með fataskápum.  Úr barnaherbergi er útgengi á svalir til suðurs þaðan sem nýtur mjög fallegs útsýnis að Snæfellsjökli, yfir Álftanes, að Seltjarnarnesi og víðar.
Eldhús, opið við stofu og hol, parketlagt og mjög bjart með gólfsíðum gluggum til suðurs. Mjög fallegar dökkbæsaðar eikarinnréttingar með kvartsteini á borði, miklu skápaplássi, innbyggðri uppþvottavél og innbyggðum ísskáp með frysti. Stór eyja með kvartsteini á borði, góðu skápaplássi, áfastri borðaðstöðu, spanhelluborði og hangandi háfi yfir.
Stofa, parketlögð, björt og rúmgóð með gluggum í þrjár áttir. Úr stofu er útgengi á þaksvalir til suðurs, austurs og norðurs með stórkostlegu útsýni yfir borgina, að Esju, Akrafjalli, Snæfellsjökli, yfir borgina, upp í Heiðmörk og víðar.
Hjónaherbergi, stórt, parketlagt og með fataskápum á heilum vegg. Frá hjónaherbergi er frábært útsýni til norðurs.
Baðherbergi II, innaf hjónaherbergi er með glugga, flísalagt gólf og veggir, innrétting, speglaskápar með lýsingu í, vegghengt wc. handklæðaofn og flísalögð sturta með sturtugleri.

Á jarðhæð hússins eru:
Sér bílastæði í lokaðri og upphitaðri bílageymslu þar sem búið er að setja upp tengi fyrir rafhleðslustöð.
Sérgeymsla, sem er 6,8 fermetrar að stærð.
Sameiginleg hjólageymsla.

Sameign hússins er öll mjög snyrtileg og vel umgengin.
Húsið að utan er klætt með áli og lítur mjög vel út.

Lóðin er fullfrágengin með tyrfðum flötum, lágum gróðri og góðri aðkomu með fjölda bílastæða við húsið.

Hússjóður pr mánuð er 26.000 kr og er allt innifalið í þeirri fjárhæð, þ.e. þrif á sameign og sorpgeymslu, allur rekstur á sameign, húseigendatrygging og rekstur bílskýlis.  Engar framkvæmdir eru fyrirhugaðar við eignina.

Staðsetning eignarinnar er mjög góð á eftirsóttum stað í Urriðaholtinu í Garðabæ þaðan sem stutt er í leikskóla, barnaskóla, verslanir, þjónustu, Golklúbbinn Odd og falleg útivistarsvæði og gönguleiðir í Heiðmörk.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu [email protected]