Fasteignamarkaðurinn ehf., s. 570-4500 kynnir til sölu byggingarrétt undir parhús í 2. áfanga Hnoðraholts í Garðabæ - Hnoðraholt norður.

Stekkholt 51-53 - Parhúsalóðir undir parhús á tveimur hæðum.  Lágmarksverð er kr. 27.000.000.- skrifa krónur tuttugu og sjö milljónir 00/100 .-

Stekkholt 51 - Stærð lóðar 530,0 fermetrar. Nýtingarhlutfall 0,6
Stekkholt 53 - Stærð lóðar 519,0 fermetrar. Nýtingarhlutfall 0,6

https://www.gardabaer.is/stjornsysla/utgefid-efni/frettir/sala-a-byggingarrett-i-hnodraholti-2.-afangi

Deiliskipulag fyrir Hnoðraholt norður var samþykkt í bæjarstjórn Garðabæjar 19. desember 2020 og staðfest með auglýsingu í B-deild Stjórnartíðinda 14. apríl 2021. Á fundi bæjarstjórnar Garðabæjar sem haldinn var 19. október 2023 var samþykkt breyting á skilmálum deiliskipulags sem gerir ráð fyrir því að hús sunnan Vorbrautar hækki um eina hæð eða úr þremur í fjórar og verði efsta hæðin inndregin. Einnig verður gert ráð fyrir heimild til að hafa bílakjallara á sömu lóðum.

Skilmálar þessir um sölu á byggingarrétti lóða í 2. áfanga Hnoðraholts byggja á úthlutunarreglum sem samþykktar voru á fundi bæjarráðs Garðabæjar 24. október 2023.

Tilboð í byggingarrétt lóðanna þarf að berast fyrir kl. 12.00 föstudaginn 17. nóvember 2023 og gilda til kl. 12.00 fimmtudaginn 23. nóvember 2023. Tilboð verða opnuð og tekin fyrir á fundi bæjarráðs Garðabæjar kl. 08.00 þriðjudaginn 21. nóvember 2023.

Tilboð verða samþykkt með fyrirvara um staðfestingu á breytingu á deiliskipulagi.

Áskilnaður er um reynslu af byggingarframkvæmdum í tilviki tilboða í raðhúsa- og fjölbýlishúsalóðir.

Gatnagerðargjöld og byggingarréttargjald:
Gatnagerðargjöld af lóðum eru samkvæmt gjaldskrá Garðabæjar. Tilboðsgjafar gera tilboð í byggingarrétt lóðanna. Byggingarréttargjald innifelur ekki heimæðargjöld veitustofnana, byggingarleyfisgjald, skipulagsgjald, úttektargjöld og önnur slík gjöld. Lóðarhafi greiðir umrædd gjöld í samræmi við gjaldskrár sem gilda hverju sinni.
Greiðsluskilmálar:
Tilboðsfjárhæð fyrir byggingarrétt skal innt af hendi innan 15 daga frá samþykki bæjarráðs Garðabæjar. Gatnagerðargjöld skulu greidd við samþykkt bæjarráðs á byggingaráformum. Þegar tilboðsgjafi hefur greitt kaupverð byggingarréttar telst hann lóðarhafi.
Kvaðir vegna framkvæmda:
Lóðarhafi skuldbindur sig til að sækja um byggingarleyfi innan 8 mánaða frá tilkynningu um að lóð sé byggingarhæf. Lóðarhafi skuldbindur sig til að hefja framkvæmdir innan 8 mánaða frá samþykki byggingarleyfis. Lóðarhafi skuldbindur sig til að ljúka grófjöfnun lóðar og frágangi við ytra byrði húss innan 24 mánaða frá samþykki byggingarleyfis.
Úthlutunarsamningur - ástand lóða:
Úthlutunarsamningur verður gerður við lóðarhafa til staðfestingar á samþykki tilboðs í byggingarrétt. Í úthlutunarsamningi verða ákvæði um heimild Garðabæjar til að rifta samningi um úthlutun komi til vanefnda lóðarhafa á greiðslum og skyldum til framkvæmda.
Lóðirnar verða afhentar í núverandi ástandi með óhreyfðu landi. Götur eru frágengnar með teningum við veitukerfi og rafmagn.
Veðheimildir og framsal:
Lóðarhafa er, án skriflegs samþykkis Garðabæjar, óheimilt að afhenda, veðsetja eða framselja lóð sem hann hefur fengið úthlutað áður en lóðarleigusamningur hefur verið gerður. Ekki er heimilt að skila lóð, sem hefur verið úthlutað, nema með skriflegu samþykki Garðabæjar.
Lóðarleigusamningur:
Lóðarleigusamningur verður gerður þegar botnplata viðkomandi lóðar hefur verið úttekin af byggingarfulltrúa. Í lóðarleigusamningi verða ákvæði um ofangreindar kvaðir eftir því sem við á ásamt ákvæði er mælir fyrir um að Garðabær getið látið framkvæma verk á kostnað lóðarhafa sinni hann ekki skyldum sínum samkvæmt lóðarleigusamningi. Jafnframt skal vera ákvæði um dagsektir sem geta numið kr. 10.000.- fyrir hvern þann dag sem líður frá því að lóðarhafi bar að ljúka við grófjöfnun lóðar og frágangi á ytra byrði hússins.

Nánari upplýsingar um skilmála úthlutunar má sjá á skrifstofu Fasteignamarkaðarins ehf.

Allar nánari upplýsingar og gögn veitt á skrifstofu Fasteignamarkaðarins ehf. í síma 570-4500 eða á netfanginu [email protected]