Naustahlein 7, Garðabær

Verð: 49.500.000


Tegund:
Parhús
Stærð:
100.60 m2
Inngangur:
Sérinngangur
Herbergi:
3
Byggingarár:
1989
Svefnherbergi:
1
Fasteignamat:
39.050.000
Baðherbergi:
1
Brunabótamat:
31.630.000
Stofur:
2
Bílskúr:

Naustahlein 7 - Opið hús þriðjudaginn 16.10. á milli kl. 17.15 og 17.45

Fasteignamarkaðurinn ehf. s: 570-4500 kynnir til sölu virkilega fallegt, bjart og vel skipulagt 77,5 fermetra parhús á einni hæð auk 23,1 fermetra bílskúrs á þessum eftirsótta stað við Naustahlein í Garðabæ, sem er á byggðasvæði DAS í Garðabæ/Hafnarfirði og er eingöngu ætlað fyrir 60 ára og eldri.  Verulega aukin lofthæð er í stofum og holi.  Afgirt hellulögð verönd fyrir framan húsið þaðan sem sést til sjávar og fallegt útsýni frá stofu og af verönd á bakvið húsið yfir opið svæði og að Garðakirkju.

Hið innra er húsið nokkuð endurnýjað, m.a. baðherbergi og eldhús og er í góðu ástandi.  Bílskúrinn er með rafmagni, hita og rennandi heitu og köldu vatni. Á bílskúr eru gluggar og göngudyr og rafmótor er á bílskúrshurð. 


Lýsing eignar:
Forstofa: flísalögð og með fataskápum.
Þvottaherbergi: með glugga, dúklagt, vaskur og innréttingar með vinnuborði.
Hol: parketlagt.
Samliggjandi stofur: parketlagðar, rúmgóðar og bjartar með gluggum í þrjár áttir. Úr stofu er útgengi á hellulagða verönd til norðurs og þaðan á lóð.
Sólskáli: flísalagður með gólfhita og opinn við hol og stofur.  Úr sólskála er útgengi á hellulagða verönd til suðurs með skjólveggjum. 
Eldhús: flísalagt og með fallegum nýlegum hvítum innréttingum og nýlegum blástursofni.  Í eldhúsi er gluggi til suðurs.
Hjónaherbergi: parketlagt og með fataskápum á heilum vegg. 
Baðherbergi: flísalagt gólf og veggir, ný hvít sprautulökkuð innrétting og gólfsturta með sturtugleri. 

Bílskúr: er sá fyrsti á hægri hönd þegar ekið er inn í Naustahlein og er með hellulögðu bílastæði fyrir framan.  Í bílskúr eru hiti, rafmagn og rennandi heitt og kalt vatn. Gluggar, göngudyr og milliloft er yfir hluta bílskúrs.

Húsið að utan: virðist vera í góðu ástandi.  Í anddyri fyrir framan húsið er sorptunnuskýli og úttak fyrir vatn er í vegg. 
Lóðin: er fullfrágengin og með hellulagðri stétt og veröndum auk tyrfðra flata og gróðurs. 

Staðsetning eignarinnar er virkilega góð á eftirsóttum stað við þjónustukjarna DAS þaðan sem stutt er í falleg útivistarsvæði og gönguleiðir. 

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is




Óðinsgötu 4, 101 Reykjavík - – Sími 5704500 – fastmark@fastmark.is - http://www.fastmark.is