Bergstaðastræti 86, Reykjavík

Verð: Tilboð


Tegund:
Einbýlishús
Stærð:
290.00 m2
Inngangur:
Margir inngangar
Herbergi:
9
Byggingarár:
1933
Svefnherbergi:
6
Fasteignamat:
138.500.000
Baðherbergi:
5
Brunabótamat:
103.670.000
Stofur:
3
Bílskúr:

Fasteignamarkaðurinn ehf. s: 570-4500 kynnir virkilega fallegt, vandað og algjörlega endurnýjað um 260,0 fermetra einbýlishús á þremur hæðum auk um 36,0 fermetra bílskúrs og 15,0 fermetra garðhýsis á eftirsóttum stað í Þingholtunum.  Í kjallara hússins er aukaíbúð með tveimur svefnherbergjum, fataherbergi, stofu, eldhúskrók og tveimur baðherbergjum. 

Húsið er allt nýlega endurnýjað á mjög vandaðan og smekklegan máta, bæði að innan sem utan.  Skipt var um allar lagnir í húsinu, þ.m.t. raflagnir og töflur, neysluvatnslagnir, settur gólfhiti í allt húsið, skipt um klóaklagnir undir húsi og út í götu og drenlagnir endurnýjaðar.  Gólfefni eru öll ný og vönduð, flísar frá Villeryoy & Boch og gegnheilt 22mm hnotuparket.  Allar innihurðir eru massívar og með vönduðum læsingum og húnum.  Eldhúsinnréttingar eru sérinnfluttar og vandaðar og tæki í eldhúsi eru öll af vandaðri gerð frá Siemens, þ.m.t. innbyggð uppþvottavél, innbyggður tvöfaldur ísskápur og mjög stór eldunartæki með gashelluborði með 5 hellum og stórum blástursofni. 


Öll blöndunartæki í baðherbergjum eru af mjög vandaðri gerð úr póleruðu Nikkeli frá Samuel Heath og vaskar, wc og flísar frá Villeroy og Boch.  Mjög vönduð tæki frá Siemens eru í eldhúsi, m.a. innbyggð uppþvottavél og tvöfaldur ísskápur auk stórra eldunartækja með gashelluborði og vönduðum háfi yfir.  Gólfefni í húsinu er annarsvegar mjög vandaðar flísar og hinsvegar gegnheilt mjög vandað parket úr hnotu.
 

Að utan er húsið allt endurnýjað, viðgert og steinað uppá nýtt með hvítum marmarasalla. Þak var einangrað uppá nýtt og sett nýtt stallað stál á það.  Allt gler og allir gluggar í húsinu eru nýir.


Lóðin er fullfrágengin á afar vandaðan hátt með skjólveggjum, hellulögðum veröndum, 3x bílastæðum, heitum potti og fallegri lýsingu.  Bílskúr, sem hefur verið stækkaður, er með aðkomu frá Bergstaðastræti.


Eignin skiptist þannig:
Á aðalhæð hússins eru forstofa, forstofuherbergi með miklum fataskápum, gestasalerni, hol, glæsilegar samliggjandi stofur með nýjum arni og útgengi á svalir og þaðan niður á lóð auk rúmgóðs eldhúss, sem er með mjög vönduðum innréttingum og tækjum og er opið við borðstofu.
Á efri hæð hússins, sem gengið er á um mjög fallegan steyptan stiga eru stórt herbergi, stórt baðherbergi með þvottaherbergi í og um 50,0 fermetra hjónasvíta, sem samanstendur af stóru svefnherbergi, fataherbergi með setustofu og vönduðu baðherbergi. Úr hjónasvítu er útgengi á svalir til suðvesturs.  Auðvelt er að gera eitt herbergi til viðbótar á efri hæð hússins þannig að þau verði þrjú.
Í kjallara, sem bæði er innangengt í úr forstofu aðalhæðar og er einnig með sérinngangi af baklóð eru lítið eldhús, rúmgóð og björt stofa með útgengi á lóð og tvær svítur, sem báðar eru með baðherbergjum innaf auk þess sem fataherbergi er líka innaf annarri.

Bílskúr er með hita, rafmagni, rennandi heitu og köldu vatni, gluggum, göngudyrum og breiðum innkeyrsludyrum með rafmagnsopnara. Gólf í bílskúr er flísalagt.

Staðsetning eignarinnar: er virkilega góð á afar eftirsóttum stað í Þingholtunum á hornlóð sem rúmt er um og þrjú bílastæði eru á lóðinni auk hleðslustöðvar fyrir rafbíla. Hitalagnir eru undir hellulögðum bílastæðum á lóðinni.

Allar nánari upplýsingar og tímapanktanir fyrir skoðun eignarinnar veittar hjá Guðmundi Th. Jónssyni, lögg. fasteignasala, í síma 570-4500 eða í netfanginu gtj@fastmark.is




Óðinsgötu 4, 101 Reykjavík - – Sími 5704500 – fastmark@fastmark.is - http://www.fastmark.is