Smáragata 10, Reykjavík

Verð: Tilboð


Tegund:
Einbýlishús
Stærð:
375.60 m2
Inngangur:
Sérinngangur
Herbergi:
8
Byggingarár:
1931
Svefnherbergi:
4
Fasteignamat:
155.150.000
Baðherbergi:
3
Brunabótamat:
87.380.000
Stofur:
4
Bílskúr:

Fasteignamarkaðurinn ehf. s: 570-4500 kynnir stórglæsilegt og algjörlega endurnýjað 351,8 fermetra einbýlishús á þremur hæðum auk 23,8 fermetra bílskúrs á 620,0 fermetra skjólsælli og fallegri lóð á þessum rólega og eftirsótta stað í miðborginni. 

Eignin var öll endurnýjuð hið innra á afar vandaðan og smekklegan máta fyrir um 10 árum síðan og er í mjög góðu ásigkomulagi. Á þeim tíma var líka skipt um allar lagnir í húsinu og sett gólfhitakerfi í húsið. Klóak- og drenlagnir eru einnig nýlegar. 

Lóðin er stór og skjólsæl með stórri viðarverönd til suðurs með skjólveggjum og stórri tyrfði flöt með fallegum trjám og gróðri.


Lýsing eignarinnar:


1. hæð hússins er 122,4 fermetrar að stærð og skiptist þannig:

Forstofa: flísalögð og með fatahengi. 
Hol: parketlagt, bjart og glæsilegt og þaðan er stigi upp á efri hæð hússins.
Gestasnyrting: með glugga, flísalagt gólf og vönduð tæki.
Arin- og setustofa: parketlögð og rúmgóð með fallegum útbyggðum glugga til suðausturs og fallegum arni sem einnig er opinn inn í borðstofu.
Borðstofa: parketlögð, björt og stór með fallegum arni. 
Eldhús: stórt, parketlagt og með mjög fallegum hvítum innréttingum á heilum vegg með vönduðum Miele tækjum, innbyggðum ísskáp, frystiskáp og uppþvottavél auk vínkælis. Eyjan er stór og úr bæsaðri eik með graníti á borðum. Gashelluborð í eyju og hangandi háfur yfir.  Við eldhús er útbyggður flísalagður borðkrókur með útgengi á skjólsæla og mjög stóra verönd til suðurs. 
Bakinngangur: frá bílastæði þar sem er flísalögð forstofa með mjög miklum innréttingum og föstum bólstruðum bekk. 
Gangur: frá forstofu og í hol er parketlagður og með miklum fataskápum.

Efri hæð hússins er 109,1 fermetri að stærð og gengið er upp á hana um fallegan steyptan og teppalagðan stiga úr holi 1. hæðar. Stór gluggi við stiga til austurs. Hæðin skiptist þannig:

Stigapallur: teppalagður. 
Barnaherbergi I: mjög stórt, parketlagt og með miklum fataskápum.  Úr herbergi er útgengi á rúmgóðar svalir til suðausturs.
Barnaherbergi II: mjög stórt, parketlagt og með fataskápum.
Hjónasvíta: sem samanstendur af gangi, svefnherbergi, fataherbergi og baðherbergi.
Gangur: parketlagður.
Svefnherbergi: parketlagt og rúmgott með tveimur útgöngum á svalir til suðurs.
Fataherbergi: parketlagt og með miklum innréttingum með fellislám.
Baðherbergi: með glugga, mjög stórt, flísalagt gólf og hluti veggja, innrétting, stór fastur spegill, handklæðaofn og mjög stór flísa- og mosaiklögð tvöföld sturta með gleri í kring. Vönduð tæki í baðherbergi. 

Kjallari hússins, sem er 120,3 fermetrar að stærð og innangengt er í frá bakinngangi 1. hæðar skiptist þannig:

Gangur: flísalagður. 
Herbergi: með glugga, flísalagt og nýtt undir útivistardót og sem geymsla.
Geymsla: flísalögð og með hillum.
Þvottaherbergi: mjög stór, með glugga og flísalagt og með niðurfalli í gólfi. Miklar innréttingar með vinnuborði, vaski og vélum í vinnuhæð.
Sér íbúð í kjallara hússins var innréttuð á afar vandaðan og smekklegan máta fyrir stuttu síðan og skiptist hún þannig:
Forstofa: flísalögð og bæði með fatahengi og fataskápum.
Stofa: lítil, flísalögð og með föstum bólstruðum bekk. 
Eldhús: opið við stofu og með fallegum hvítum innréttingum með innbyggðri uppþvottavél og ísskáp og eyja með quartz á borðum.
Baðherberbergi: flísalagt gólf og veggir, handklæðaofn, innrétting og flísalögð sturta. Vönduð tæki í baðherbergi.
Fataherbergi: flísalagt og með miklum fataskápum.
Svefnherbergi: flísalagt. 

Geymsluris: er yfir efri hæð hússins og er farið í það um fellistiga.  Risið er einangrað og klætt að innan með viði nýlega og á því eru þakgluggar.  Loftaplata yfir efri hæð hússins er steypt. 

Húsið að utan virðist vera í góðu ástandi og var allt lagfært og skipt um gler, glugga, þakrennur og niðurföll fyrir um 10 árum síðan.  Þakjárn virðist vera í góðu ástandi.

Lóðin: er 620,0 fermetrar að stærð og snýr til suðurs.  Stór skjólsæl viðarverönd með skjólveggjum og hiturum á veggjum, tyrfð stór flöt og fallegur trjágróður.  Lóðin er mjög "prívat".  Innkeyrsla er hellulögð og með hitalögnum undir og eins eru hitalagnir undir gangstétt fyrir framan húsið.

Staðsetning eignarinnar er virkilega góð á rólegum og skjólsælum stað í hjarta miðborgarinnar.

Allar nánari upplýsingar um eignina veitir Guðmundur Th. Jónsson, lögg. fasteignasali, í síma 570-4500 eða á netfanginu gtj@fastmark.is




Óðinsgötu 4, 101 Reykjavík - – Sími 5704500 – fastmark@fastmark.is - http://www.fastmark.is