Sunnuflöt 9, Garðabær

Verð: 125.000.000


Tegund:
Einbýlishús
Stærð:
243.90 m2
Inngangur:
Sérinngangur
Herbergi:
7
Byggingarár:
1966
Svefnherbergi:
3
Fasteignamat:
81.500.000
Baðherbergi:
3
Brunabótamat:
59.900.000
Stofur:
4
Bílskúr:

Eignin er seld og er í fjármögnunarferli.

Fasteignamarkaðurinn ehf. s: 570-4500 kynnir til sölu frábærlega staðsett og mjög mikið endurnýjað 243,9 fermetra einbýlishús á tveimur hæðum með innbyggðum 58,3 fermetra bílskúr, sem innangengt er í, við Sunnuflöt í Garðabæ.     Auðvelt væri að gera 2ja herbergja aukaíbúð á neðri hæð hússins en til þess þarf bara að setja upp eldhúsinnréttingu.  

Eignin var öll endurnýjuð hið innra árið 2004 á afar vandaðan og smekklegan máta og er í góðu ástandi.  Á þessum tíma var skipt um öll gólfefni, eldhúsinnréttingu og tæki, öll baðherbergi endurnýjuð, loft á efri hæð klædd og sett innfelld lýsing í þau að stórum hluta, skipt um raflagnir og töflur, skipt um klóaklagnir innan hússins, undir húsi og út í götu, skipt um neysluvatnslagnir og sett forhitarakerfi á húsið og skipt um ofnalagnir.  Nýlegt svalahandrið úr hertu gleri og burstuðu stáli er á svölum á framhlið hússins. 


Lýsing eignar:
Forstofa: náttúruflísalögð og með fataskápum.
Hol: parketlagt. 
Gestasnyrting: flísalagt gólf og veggir, vaskskápar með graníti á borðum og vönduð tæki.
Samliggjandi stofur: rúmgóðar, bjartar og parketlagðar með fallegum arni og fallegu útsýni til suðurs. Úr stofum er útgengi á stóra og skjólsæla viðarvarönd til suðurs og vesturs með útiarni. 
Eldhús: sem gengið er í bæði úr holi og borðstofu, rúmgott, flísalagt og með mjög fallegum hvítum innréttingum með graníti á borðum og gleri á milli skápa. Innbyggð uppþvottavél, gert ráð fyrir tvöföldum ísskáp og útgengi á viðarverönd til norðurs og vesturs með lýsingu, steyptum mosaiklögðum heitum potti og útisturtu.
Sjónvarpshol: parketlagt og rúmgott.
Barnaherbergi: parketlagt.
Hjónaherbergi: stórt, parketlagt og með miklum fataskápum.
Baðherbergi: innaf hjónaherbergi er með gólfhita, glugga, flísalagt í gólf og veggi, bæði baðkar og flísalögð sturta með glerhurð, innrétting með graníti á borðum og tveimur vöskum og stór fastur spegill með lýsingu í.

Gengið er niður á neðri hæð hússins um fallegan parketlagðan stiga úr holi efri hæðar, en einnig er sérinngangur á neðri hæð hússins. 

Forstofa: náttúruflísalögð og með fatahengi.
Hol: flísalagt. 
Baðherbergi: náttúruflísalagt gólf og hvítir flísalagðir veggir, innrétting með graníti á borðum, handklæðaofn og flísalögð sturta með glerhurð.
Stofa: náttúruflísalögð og rúmgóð. 
Herbergi: náttúruflísalagt og með fataskápum. 
Bílskúr: sem innangengt er í úr forstofu neðri hæðar er flísalagður, tvöfaldur með tveimur innkeyrsluhurðum með mótorum á, gluggum, rennandi heitu og köldu vatni og geymslu innaf. 
Þvottaherbergi: innaf bílskúr er flísalagt og með miklum innréttingum með vélum í vinnuhæð, vaski og vinnuborði.

Húsið að utan: virðist vera í góðu ástandi og er með nýlegu svalahandriði úr öryggisgleri á stórum svölum til suðurs.  Þakpappi var endurnýjaður árið 2004 og er skv. upplýsingum frá eigendum í góðu ástandi, sem og gler og gluggar sem hafa verið endurnýjaðir eins og þurft hefur. 

Lóðin: er 964,0 fermetrar að stærð, virkilega falleg og skjólsæl.  Á framlóð eru stór hellulögð innkeyrlsa og stéttir með hitalögnum undir, tyrfð flöt, viðarverönd með skjólveggjum og lágreistur gróður. Á baklóð eru viðarverönd til vesturs og suðurs með skjólveggjum, útiarni, markísu, steyptur og mosaiklagður heitur pottur með loki yfir og útisturta.  

Vinnustofa: er á baklóð hússins en þar er um að ræða um 16 fermetra timburhús, sem byggt var fyrir um 10 árum síðan og er með rafmagni og hita auk góðra glugga. 

Staðsetning eignarinnar er virkilega góð á rólegum og skjólsælum stað á móti suðri við Sunnuflöt í Garðabæ.




Óðinsgötu 4, 101 Reykjavík - – Sími 5704500 – fastmark@fastmark.is - http://www.fastmark.is