Dofraborgir 5, Reykjavík

Verð: 99.900.000


Tegund:
Einbýlishús
Stærð:
197.00 m2
Inngangur:
Margir inngangar
Herbergi:
5
Byggingarár:
1995
Svefnherbergi:
4
Fasteignamat:
64.400.000
Baðherbergi:
1
Brunabótamat:
45.550.000
Stofur:
1
Bílskúr:

Fasteignamarkaðurinn ehf. s: 570-4500 kynnir til sölu virkilega fallegt 197,0 fermetra, vel skipulagt og frábærlega staðsett einbýlishús á einni hæð á 892,0 fermetra gróinni lóð með miklu útsýni út á sundin og yfir miðborgina. Húsið teiknaði Jakob Líndal arkitekt og sá Auður Sveinsdóttir landslagsarkitekt um hönnun á lóð. Húsið stendur við autt svæði frá baklóð með glæsilegu útsýni og í næsta nágrenni við höggmyndagarð Hallsteins Sigurðssonar myndhöggvara.

Aukin lofthæð er yfir flestum rýmum og herbergjum. Gólfsíðir gluggar sem hleypa mikilli birtu inn. Þrjú svefnherbergi eru í húsinu í dag en auðvelt er að setja upp einn vegg í stórt herbergi inn af svefngangi og breyta því í tvö herbergi eins og upphaflegar teikningar gera ráð fyrir.

Húsið er steinsteypt og með fallegri álklæðningu. Stór verönd til suðvesturs og heitur pottur með skjólgirðingu. Fallegt útsýni til suðvesturs út á sundin og yfir Borgina. Fallega gróinn garður og hellulögð stétt fyrir framan hús með snjóbræðslu og kvöldlýsingu. 


Lýsing eignar:
Forstofa: Með flísum á gólfi, fatahengi og aukinni lofthæð.
Eldhús: Með flísum á gólfi og hvít sprautulakkaðri/stál eldhúsinnréttingu. Aukin lofthæð er yfir eldhúsi. Gólfsíðir gluggar til suðurs og austurs sem hleypa inn mikilli birtu. Gaggenau bakaraofn, kæliskápur og örbylgjuofn. Tengi fyrir uppþvottavél og gott pláss fyrir borð/borðstofuborð.
Stofa: Er stór og björt með parket á gólfi og aukinni lofthæð. Gluggar til suðurs og vesturs með glæsilegu útsýni út á sundin og yfir Borgina. Sérsmíðaðar hillur og skenkur í stofu og útgengi út á verönd til suðvesturs.
Svefngangur: Með parket á gólfi og aukinni lofthæð.
Hjónaherbergi: Er rúmgott með parket á gólfi, aukinni lofthæð og gluggum til suðurs og vesturs.
Svefnherbergi I/fataherbergi: Með dúk á gólfi, aukinni lofthæð, góðum fataskápum og glugga til norðurs.
Svefnherbergi II: Er stórt (var áður 2 svefnherbergi) með parket á gólfi og aukinni lofthæð. Gluggar til norðurs. Möguleiki að skipta aftur í 2 svefnherbergi.
Baðherbergi: Hefur verið endurnýjað. Rúmgott, bjart með flísum í gólf og veggi, stórir þakgluggar sem hleypa góðri birtu inn, aukin lofthæð, flísalögð sturta með glerþili, baðkar með innfelldum blöndunartækjum og upphengt wc.
Þvottaherbergi: Með dúk á gólfi, innrétting með góðum skápum, vaskur og vinnuborð, aukin lofthæð og útgengi út á lóð til norðurs.

Bílskúr: Er með máluðu gólfi, bílskúrshurðaopnara, gluggar á þrjá vegu, útgengi um gönguhurð út í garð, geymsluloft yfir hluta og aukin lofthæð.

Húsið að utan: Er álklætt og lítur vel út. 

Lóðin: er 892,0 fermetrar að stærð, fullfrágengin og ræktuð með hellulagðri innkeyrslu og stétt með snjóbræðslu. Falllegur gróður, kvöldýsing og verönd til vesturs og suðurs með útgengi úr stofu. Glæsilegt útsýni er frá lóð til suðvesturs út á sundin og yfir Borgina. Mikið útsýni er úr heitum potti sem er afgirtur að hluta með skjólvegg.

Allar nánari upplýsingar veitir Heimir F. Hallgrímsson, hdl. og lögg. fasteignasali í síma 849-0672 eða á netfanginu heimir@fastmark.is




Óðinsgötu 4, 101 Reykjavík - – Sími 5704500 – fastmark@fastmark.is - http://www.fastmark.is