Holtsbúð 59, Garðabær

Verð: 114.900.000


Tegund:
Einbýlishús
Stærð:
330.00 m2
Inngangur:
Sérinngangur
Herbergi:
8
Byggingarár:
1977
Svefnherbergi:
5
Fasteignamat:
75.100.000
Baðherbergi:
3
Brunabótamat:
63.800.000
Stofur:
3
Bílskúr:

Eignin er seld og í fjármögnunarferli.

Fasteignamarkaðurinn ehf. s: 570-4500 kynnir til sölu virkilega glæsilegt og mikið endurnýjað 330,0 fermetra einbýlishús á tveimur hæðum með innbyggðum stórum bílskúr og 5 svefnherbergjum við Holtsbúð í Garðabæ.   Eignin stendur á virkilega glæsilegri 972,0 fermetra gróinni og fallegri lóð við opið svæði með viðarveröndum, skjólveggjum og heitum potti.   Fallegt útsýni er frá efri hæð yfir bæinn, til sjávar og víðar. 


Eignin hefur verið mikið endurnýjuð hið innra á sl 1-4 árum, m.a. nánast öll gólfefni, eldhúsinnrétting og tæki, stærsta baðherbergi hússins sem er bæði með baðkari og sturtu, rafmagnstöflur og raflagnir, klóaklagnir o.fl. 

Lýsing eignar:
Forstofa: flísalögð og rúmgóð með fataskápum.
Samliggjandi stórar stofur: parketlagðar og bjartar með gólfsíðum gluggum að hluta og mjög mikilli lofthæð.  Fallegur arinn er í stofu með flísalögn í kring.
Skáli: flísalagður og bjartur.
Baðherbergi:  stórt og allt nýendurnýjað. Flísalagt gólf og veggir að hluta, innréttingar og skápar, frístandandi baðkar með flísalögn í kring og stór flísalögð sturta með öryggisgleri.  Úr baðherbergi er útgengi á stóra og skjólsæla viðarverönd með heitum potti. 
Eldhús: flísalagt og með nýlegum fallegum innréttingum og eyju og nýlegum tækjum, m.a. innbyggðri kaffivél. Innbyggð uppþvottavél og gert ráð fyrir tvöföldum ísskáp.  Borðaðstaða er á eyju.
Þvottaherbergi: innaf eldhúsi, flísalagt og mjög rúmgott með góðum gluggum og útgengi á lóð. 
Sjónvarpshol: flísalagt og með fallegum glugga frá gólfi og upp í loft.
Svefngangur: parketlagður. 
Hjónaherbergi: parketlagt og mjög rúmgott með útgengi á stóra og skjólsæla viðarverönd til suðurs. 
Barnaherbergi I: parketlagt og með lausum fataskápum.
Snyrting: rúmgóð, flísalagt gólf og veggir, innrétting, vegghengt wc, miklir skápar og innrétting með graníti á borðum.

Neðri hæð eignarinnar, sem bæði er innangengt í og með sérinngangi skiptist þannig:

Forstofa: rúgmóð og flísalögð með góðum gluggum.
Barnaherbergi II: parketlagt og rúmgott.
Sjónvarpshol: parketlagt og með gluggum.
Snyrting: nýendurnýjuð með flísalögðu gólfi og veggjum, vegghengdu wc og innréttingu.
Barnaherbergi III: parketlagt og stórt.
Barnaherbergi IV: parketlagt og rúmgott.
Bílskúr: stór, tvöfaldur með einni breiðri innkeyrsluhurð með mótor. Gluggar og rennandi heitt og kalt vatn í bílskúr. 
Geymsla I: um 30 fermetrar innaf bílskúr og léttur veggur á milli.
Geymsla II: lítil innaf bílskúr og með hillum.
Geymsla III: köld undir útitröppum.

Húsið að utan: virðist vera í nokkuð góðu ástandi og hefur fengið gott viðhald, en þó er kominn tími á að mála hús og þak. 

Eign sem hefur verið mikið endurnýjuð og vert er að skoða. 

Eignin er skráð 255,0 fermetrar skv. Fasteignaskrá Íslands en er í raun um 330,0 fermetrar þar sem stórs hluta neðri hæðar hússins er ekki getið þar.




Óðinsgötu 4, 101 Reykjavík - – Sími 5704500 – fastmark@fastmark.is - http://www.fastmark.is