Lindarflöt 35, Garðabær

Verð: 114.900.000


Tegund:
Einbýlishús
Stærð:
226.40 m2
Inngangur:
Sérinngangur
Herbergi:
6
Byggingarár:
1967
Svefnherbergi:
3
Fasteignamat:
64.200.000
Baðherbergi:
3
Brunabótamat:
50.510.000
Stofur:
3
Bílskúr:

Fasteignamarkaðurinn ehf. s: 570-4500 kynnir virkilega glæsilegt og mikið endurnýjað 226,4 fermetra einbýlishús á einni hæð á 862,0 fermetra glæsilegri lóð við Lindarflöt 35 í Garðabæ.  Eignin hefur verið þó nokkuð endurnýjuð hið innra, m.a. eldhúsinnréttingar og tæki, loft tekin niður og sett innfelld lýsing, raflagnir og tafla, inntök í húsið, skápar, hillur og skenkar o.fl..

Virkilega björt og falleg eign á þessum eftirsótta stað á Flötunum í Garðabæ.  Mögulegt væri að byggja við húsið og stækka það ef vill þar sem byggingarreitur er ekki fullnýttur.


Lýsing eignar:
Forstofa: flísalögð með fataskápum á heilum vegg og föstum spegli á vegg á móti. 
Hol: parketlagt. 
Stórt herbergi: parketlagt og með föstum hillum, nýtt sem sjónvarpsherbergi í dag.
Baðherbergi: með glugga, flísalagt í gólf og veggi, innrétting, baðkar og sturtuklefi. Fastir speglar á veggjum. 
Samliggjandi stofur: rúmgóðar, bjartar og parketlagðar með góðum gluggum til suðurs. Fallegur arinn er í setustofu og þaðan er einnig útgengi í um 25,0 fermetra skála sem er flísalagður og upphitaður. 
Skáli: flísalagður og upphitaður og með með tveimur stórum rennihurðum út á skjólsæla viðarverönd til suðurs. 
Eldhús: opið við borðstofu, parketlagt og með virkilega fallegum og vönduðum, ljósum Poggenpohl innréttingum með flísum á milli skápa og innbyggðum tvöföldum ísskáp og uppþvottavél. Vönduð tæki eru í eldhúsi og góð borðaðstaða.
Svefngangur: parketlagður. 
Hjónasvíta með fataherbergi og baðherbergi innaf:
Hjónaherbergi: er mjög stórt, parketlagt og með gluggum í tvær áttir.  Fastir skenkir á tveimur veggjum og innbyggðar hillur í vegg.
Fataherbergi: parketlagt og með fataskápum á tveimur veggjum.
Baðherbergi: flísalagt í gólf og veggi, sturtuklefi og innrétting.

Bakinngangur: með stórri forstofu, sem er flísalögð og með mjög miklum fataskápum.
Þvottaherbergi: með gluggum, flísalagt, innréttingar, vinnuborð og vaskur. 
Hol: parketlagt.  Væri hægt að nýta sem sjónvarpshol.
Baðherbergi: með glugga, flísalagt gólf, sturtuklefi og innrétting.
Vinnustofa/herbergi: 28,8 fermetra opið parketlagt rými með miklum gluggum til suðurs, ofanbirtu og útgengi á aðra skjólsæla viðarverönd til suðurs.  Fastar hillur eru í vinnustofu.  Vinnustofu væri hægt að innrétta sem tvö svefnherbergi.
Tvær geymslur: með lökkuðu gólfi, hillum og vaski.  Þessar geymslur eru fremst í því rými þar sem áður var bílskúr og eru bílskúrshurðir enn til staðar. 

Húsið að utan: virðist vera í góðu ástandi og þakpappi er í góðu ástandi. 

Lóðin: er mjög falleg, ræktuð og gróin með hellulagðri innkeyrslu og stéttum fyrir framan húsið með hitalögnum undir og tveimur skjólsælum veröndum til suðurs.  Fallegur gróður og tyrfðar flatir eru á lóðinni. 

Staðsetning eignarinnar er virkilega góð með tilliti til þess að stutt er í Flataskóla, Garðaskóla, íþróttasvæði Stjörnunnar og aðra þjónustu.




Óðinsgötu 4, 101 Reykjavík - – Sími 5704500 – fastmark@fastmark.is - http://www.fastmark.is