Vesturhólar 9, Reykjavík

Verð: 72.900.000


Tegund:
Einbýlishús
Stærð:
214.60 m2
Inngangur:
Sérinngangur
Herbergi:
6
Byggingarár:
1973
Svefnherbergi:
4
Fasteignamat:
45.200.000
Baðherbergi:
3
Brunabótamat:
55.730.000
Stofur:
2
Bílskúr:

Eignin er seld og er í fjármögnunarferli.

Fasteignamarkaðurinn ehf. s: 570-4500 kynnir til sölu virkilega fallegt, vel skipulagt og þó nokkuð endurnýjað 214,6 fermetra einbýlishús á þremur pöllum, að meðtöldum 29,0 fermetra bílskúr, á stórglæsilegum útsýnisstað við Vesturhóla í Reykjavík.  Á neðsta palli hússins er gert ráð fyrir aukaíbúð og eru þar baðherbergi og eldhús í dag en búið að opna á milli.   Eignin stendur neðst í lokaðri botngötu og frá henni nýtur óhindraðs útsýnis yfir borgina, að Reykjanesinu, Snæfellsjökli, Akranesi og yfir sjóinn.   Eignin er öll nýmáluð að innan.

Eignin hefur verið þó nokkuð endurnýjuð undanfarið, m.a. eldhúsinnrétting og tæki, gler og gluggar að hluta, gólfefni að verulegu leyti, þakjárn, þakrennur og niðurföll og húsið er nýlega málað að utan. 


Lýsing eignar:
Forstofa: flísalögð og rúmgóð.
Gestasnyrting: sem hefur verið nýtt sem þvottaherbergi.
Hol: parketlagt. 
Svefngangur: parketlagður og bjartur með tveimur þakgluggum og stórum og miklum fataskápum.
Barnaherbergi I: parketlagt.
Barnaherbergi II: parketlagt. 
Hjónaherbergi: parketlagt og með fataskápum á heilum vegg. 
Baðherbergi: með þakglugga, flísalagt í gólf og veggi, bæði baðkar og flísalögð sturta auk innréttingar. 
Borðstofa: rúmgóð, björt og parketlögð, opin við eldhús.
Eldhús: parketlagt og bjart með nýjum fallegum viðarinnréttingum með flísum á milli skápa og nýjum tækjum.  Tengi fyrir uppþvottavél í eldhúsi.
Stofa: gengið er 5 þrep upp úr borðstofu um parketlagðan steyptan stiga í rúmgóða og glæsilega stofu með fallegum arni og óviðjafnanlegum útsýni yfir borgina, út á sundin, að Snæfellsjökli, Reykjanesi og víðar. 

Á neðsta palli, sem gengið er á um 8 þrep úr borðstofu aðalhæðar um parketlagðan og steyptan stiga var áður sér íbúð en í dag er þessi hluti hússins nýttur sem hluti af heildareigninni.

Stofa: stór, parketlögð og með góðum gluggum.  Mögulegt væri að gera herbergi í hluta stofu.
Salerni: með lökkuðu gólfi.
Þvottaherbergi / baðherbergi: lakkað gólf og baðkar. 
Eldhús: parketlagt og með útgengi á baklóð hússins.  

Bílskúr: er í sér lengju fyrir bílskúra sem standa á plani fyrir ofan húsin.  Bílskúrinn er með hita, rafmagni og rennandi heitu og köldu vatni. Góð lofthæð er í bílskúr og hillur.  Bílskúrinn er í góðu ástandi að innan og utan.

Húsið að utan: virðist vera í góðu ástandi og er nýlega málað.  Þakjárn er nýtt en er ómálað og þakrennur og niðurföll eru nýleg. 

Lóðin: er virkilega falleg og gróin með fallegum gróðri, tyrfðum flötum og nýlegri viðarverönd með skjólvegg.  Hellulögð stétt fyrir framan húsið er með hitalögnum undir. Lóðin er 1.735 fermetrar að stærð, sameiginleg með húsunum nr 9-15 við Vesturhóla, en þó er hvert hús með sinn sérafnotareit.  Við þetta hús er nokkuð góður sérafnotareitur, fallegur, ræktaður og gróinn. 

Staðsetning eignarinnar er virkilega góð við opið og óbyggt svæði þaðan sem stutt er í skóla, fallegar göngu- og hjólaleiðir og alla þjónustu.




Óðinsgötu 4, 101 Reykjavík - – Sími 5704500 – fastmark@fastmark.is - http://www.fastmark.is