Ármúli 34, Reykjavík

Verð: 165.000.000


Tegund:
Atvinnuhúsnæði
Stærð:
868.90 m2
Inngangur:
Sameiginlegur
Herbergi:
Byggingarár:
1958
Svefnherbergi:
Fasteignamat:
139.100.000
Baðherbergi:
7
Brunabótamat:
150.900.000
Stofur:
Bílskúr:
Nei

Fasteignamarkaðurinn ehf. s: 570-4500 kynnir til sölu 868,9 fermetra á 1., 2. og 3. hæð hússins nr. 34 við Ármúla í Reykjavík auk helmings bakhúss og er hið metna samtals 74,41% af heildareigninni Ármúla 34. 
12 sameiginleg bílastæði eru á baklóð hússins, hálf yfirbyggð. 

Nánar tiltekið er um að ræða tvö verslunarbil á jarðhæð framhússins, 38,6 fermetra og 75,6 fermtra að stærð, sem bæði hafa góða verslunarglugga út á Ármúla. Bakhús með innkeyrsludyrum, 123,0 fermetra að stærð, sem nýtt er sem vörugeymsla.  Dagvistun á 2. og 3. hæð hússins með anddyri á jarðhæð og lyftu, samtals 618,7 fermetra að stærð.  Auk þessa eru á jarðhæð hússins, inntaksrými sem er 9,9 fermetrar að stærð og sameiginlegt anddyri með verslunarplássum 3,3 fermetrar að stærð. 


Lýsing eignarinnar:

Jarðhæð hússins skiptist þannig:

Verslunarpláss, sem í er rekið hárgreiðslustofa, sem er 38,6 fermetrar að stærð auk sameiginlegs anddyris, sem er 3,1 fermetri að stærð.  Hárgreiðslustofan er eitt opið rými með harðparketi á gólfum og verslunarglugga út að Ármúla. Innaf opna rýminu er gangur og þar innaf er salerni með glugga. Mikil lofthæð er í eignarhlutanum.  Leigutekjur af eignarhlutanum eru á núvirði 79.140 kr. pr. mánuð. 

Verslunarpláss, sem í er rekin verslun og viðgerðarþjónusta, sem er 75,6 fermetrar að stærð auk sameiginlegs anddyris, sem er 3,1 fermetri að stærð. Verslunarplássið skiptist í opið verslun með góðum gluggum út að Ármúla og lagerrými (sem hægt væri að nýta sem verslunarpláss) og salerni með glugga.  Plastparket er á verslun en dúkur á lagerrými og salerni.  Mikil lofthæð er í eignarhlutanum.  Leigutekjur af eignarhlutanum eru á núvirði 148.207 kr. pr. mánuð.

Bakhús, sem er 123,0 fermetrar að stærð, nýtt sem lagerhúsnæði.  Á eignarhlutanum eru innkeyrsludyr og góðir gluggar.  Eignarhlutinn skiptist í forstofu/gang, opið rými, salerni og tvö herbergi. Spónaparket er á gólfum og er það lagt ofan á lektur á steypta plötu. Leigutekjur af eignarhlutanum eru á núvirði 131.223 kr. pr mánuð.

2. og 3. hæð hússins, sem er með anddyri á 1. hæð og lyftu er samtals 618,7 fermetrar að stærð.  Eignarhlutarnir eru nýttir og innréttaðir sem dagheimili fyrir aldraða og eru í útleigu til Múlabæjar.  Á 2. hæð eru m.a. gangur, 6 herbergi, salerni og líkamsræktarsalur með baðherbergi innaf.  Dúkur er á gólfum 2. hæðar og gluggar til suðurs og norðurs.   Á 3. hæð eru m.a. gangur, tvö salerni, móttaka, fatahengi, þvottaherbergi, eldhús með góðum innréttingum, stór matsalur með útgengi á yfirbyggðar svalir til suðurs og flóttaleiðum og stórt herbergi innaf matsal.  Dúkur er á gólfum 3. hæðar og gluggar til suðurs og norðurs.   Leigutekjur af eignarhlutunum eru á núvirði 904.650 kr. pr. mánuð. 

Húsið að utan virðist vera í þokkalegu ástandi en þó er kominn tími á einhverjar endurbætur, viðgerðir og málningu auk þess sem gler og gluggar eru að hluta til komin á tíma endurnýjunar. 

Lóðin: sem er 1.406,0 fermetrar að stærð er fullfrágengin og malbikuð með bílastæðum bæði fyrir framan og aftan húsið og í óskiptri sameign allra eignarhluta í húsinu. 

Byggingarréttur: skv. fyrirliggjandi gögnum er ekkert heildarskipulag til um svæðið og því liggur ekki fyrir hvort viðbótarbyggingarréttur er á lóðinni.  Þó má áætla miðað við byggingarmagn á nærliggjandi lóðum að leyfi fengist fyrir byggingu einnar hæðar ofan á húsið og mögulegu viðbótarbyggingarmagni á baklóð hússins ef einnar hæðar bakhús á lóðinni yrðu fjarlægð.  Ekkert er þó í hendi varðandi byggingarrétt á lóðinni en ef til kæmi að hann fengist yrði hann í hlutfallslegri sameign eigenda heildareignarinnar eftir eignarhlutföllum hvers og eins í eigninni. 




Óðinsgötu 4, 101 Reykjavík - – Sími 5704500 – fastmark@fastmark.is - http://www.fastmark.is