Snæfoksstaðir lóð 45 , Selfoss

Verð: 39.900.000


Tegund:
Sumarhús
Stærð:
106.70 m2
Inngangur:
Sérinngangur
Herbergi:
5
Byggingarár:
2006
Svefnherbergi:
3
Fasteignamat:
27.200.000
Baðherbergi:
1
Brunabótamat:
34.650.000
Stofur:
2
Bílskúr:
Nei

Fasteignamarkaðurinn ehf. s: 570-4500 kynnir virkilega glæsilegan sumarbústað/heilsárshús á 12.600 fermetra leigulóð við Snæfoksstaði 45 í Grímsnesi.   Hitaveita er í húsinu og á svæðinu öllu.  Félag sumarhúsaeigenda á svæðinu sér um snjómokstur á svæðinu og annast viðhald og rekstur á hliði inn á svæðið. Árgjald hjá félagi sumarhúsaeigenda á svæðinu er kr. 15.000.-.   Lóðarleiga er kr. 100.000.- á ári.

Hönnuður hússins er Baldur Svavarsson akriktekt hjá Úti Inni arkitektum.

Rafmagn hannað af Helga Eiríkssyni hjá Lúmex.


Bústaðurinn er ca. 105 m2 að stærð og stendur á leigulóð hjá Skógrækt Suðurlands. Lóðin er 12.600 m2 og gróðri vaxin, engar girðingar eru á lóðarmörkum.  Í landinu er íslenskur lággróður, mikið um íslenskt birki og hafa furur verið gróðursettar þannig að það hvorki skemmi eða skyggi á íslenska gróðurinn sem fyrir er. Staðsetning hússins er utan í hól þar sem gengið er inn og þannig verður eldhús og stofa neðar og meira skjól fyrir framan húsið
(Frá Reykjavík er um 50 mínútna akstur að húsinu.  Ekið er austur í átt að Selfossi og beygt til vinstri við Ingólfsfjall.  Keyrt er framhjá Þrastarlundi, Öndverðarnesi og beygt er inn á afleggjara Vaðnes/ Snæfoksstaðir). Hliðið inní götuna er fjarstýrt eða hringt í það til að opna.

Í götunni eru einungis 10 lóðir og er þetta lóð nr. 45, innarlega í götunni.  Keyrt er inn á lóðina og tekur við gott bílastæði, örlítið  frá húsinu, en einnig er hægt að aka alla leið upp að því og leggja þar. Næst húsinu er grasbali þar sem möguleiki er á að staðsetja hjólhýsi, tjalda eða leika sér ef vill.

Húsið er byggt úr aðfluttum forsteyptum einingum  frá Smellinn á Akranesi. Húsið er klætt að utan með steinull og þar yfir brasilískur harðviður Cumaru. Pallur úr sama harðvið umlykur húsið sunnan, austan og norðanvert. Húsið er á einni og hálfri hæð og  allt að 6 metra lofthæð er í því. Að auki er mannhæðar hár kjallari staðsettur undir hluta efri hæðar. Gólfhiti er í öllu húsinu.
Einungis er um 15 mínútna keyrsla á Selfoss frá húsinu., stutt í Þingvelli og Borg í Grímsnesi ekki langt frá.

Lýsing sumarbústaðar:
Forstofa/hol: Gengið er inn í húsið að norðanverðu og inn í rúmgóða forstofu með sandsteinsflísum og opnu fatahengi. Hluti holsins er parketlagt með Cumaru harðviði.
Salerni: með litlum glugga og innréttingu. Sandsteinsflísar á gólfi og upp í loft.
Hjónasvefnherbergi: Stærsta svefnherbergið með stórum fataskáp og gluggum í vesturátt. Parketlagt með Cumaru harðvið. Lagt er fyrir sjónvarpi í herberginu.
Auka svefnherbergi: Tvö minni svefnherbergi (ca.10 m2) þar sem nú standa 160 sentimetra breið rúm ásamt kommóðu sem notuð er fyrir fatnað. Gluggar snúa í  austur og eru bæði herbergin parketlögð með Cumaru harðvið.
Neðri pallur (Stofa, borðstofa og eldhús): Eitt opið rými með 4-6 metra lofthæð og gluggahlið með rennihurð til suðurs þar sem gengið er út á pallinn (4 metra hæð x 8 metra breidd).  Rýmið er útbúið góðri innfelldri halogen lýsingu og er loftaklæðning og parket úr brasilíska harðviðnum Cumaru.  Möguleiki er á að bæta við lofti fyrir ofan eldhús. Sjónvarp er hengt upp á vegg í stofunni og búið er að gera ráð fyrir kamínu á vegginn í stofunni.
Kjallari/Lagnaherbergi: Gengið er úr eldhúsi niður í 20 m2 lagnarými/kjallara sem er með epoxy gólfefni á gólfum og gólfhita. Komin er innrétting þar niðri og er möguleiki á að hafa þvottavél og þurrkara. Í lagnarýminu er sturtuklefi  ca 2m*2m með glerhurð, flísalagt uppí loft og innfelld Vola-tæki. Þá eru tvær sturtur í þessu rými (einn breiður sturtuhaus og ein eins og foss). Möguleiki er á að setja vatnsgufu inn í sturturýminu. Úr kjallaranum er gengið út úr húsinu í vesturátt og er þá komið nn á svæði sem hugsað var sem pallur með heitum potti.
 
Allur bústaðurinn er hitaður upp með gólfhita sem stýrt er úr lagnarými/kjallara og er hvert herbergi með sér hitastillingu. Breiður stigi (7 tröppur) gerður úr límtré tengir efri og neðri hæð hússins. Í húsinu eru gluggar eru frá Ferris, hvítir Velfag gluggar með gratínáferða/álgluggalistum. Innveggir hússins eru gifsveggir með 12mm krossvið til að auka burðarstyrk veggjanna og svo gifs. Hvítar gegnheilar hurðir eru í húsinu. Parket, loftaklæðning, klæðing utan á húsinu og pallaefni er allt sama efnið,  brasilískur harðviður Cumaru.

Pallur er uppvið húsið á norður-, austur- og suðurhlið. Við vesturhluta bústaðarins er svæði sem hugsað er fyrir pall með heitum potti og er búið að setja upp sökkla fyrir húsi sem hugsað var til framtíðarmöguleika (á eftir að steypa saman og steypa plötu. Ekki komnar teikningar né leyfi).  Hugsunin var að byggja gestahús með sauna, sturtu og rúmgóðu herbergi 5m x 5m og góðan pall í kring.