Efri-Reykir 1, Selfoss

Verð: 0


Tegund:
Sumarhús
Stærð:
139.60 m2
Inngangur:
Margir inngangar
Herbergi:
4
Byggingarár:
2005
Svefnherbergi:
3
Fasteignamat:
33.750.000
Baðherbergi:
3
Brunabótamat:
40.480.000
Stofur:
1
Bílskúr:
Nei

Fasteignamarkaðurinn ehf., s. 570-4500 kynnir glæsilegt, vandað og vel staðsett 100,0 fermetra heilsárshús (byggt árið 2005-2006) og 39,6 fermetra gestahús með víðáttumiklu útsýni yfir Biskupstungurnar á fallegum stað við Efri-Reyki í Bláskógabyggð, næsta nágrenni við Geysi, Flúðir og Laugarvatn. Húsin standa á 30.000 fermetra eignarlandi þar sem heimilt er samkvæmt deiliskipulagi að byggja tvö sumarhús að neðri hluta lóðar og auk þess liggur fyrir tillaga að breyttu deiliskipulagi um fjórar sumarhúsalóðir á efri hluta lóðar. 
Eignaskipti koma til greina.

Húsið er afar fallegt lífviðar bjálkahús á steyptum grunni (skriðkjallari undir öllu húsinu), með mikilli lofthæð, bjart með fallegri gluggasetningu. Víðsýnt er til allra átta m.a. til Rauðhöfða og Högnhöfða í norðaustri og þar á milli til uppsprettu Brúarár. Uppsveitir Biskupstungna í austri, Hekla blasir við í suðaustri og útsýni að Tindfjöllum og Eyjafjallajökli. Í suðri blasa við Mosfell og Hestfjall.

Timburverönd umlykur húsið á þrjá vegu til vesturs, suðurs og austurs. Stór rafmagnspottur er á verönd og sturtuaðstaða. Gestahús er einnig með góðum sólpalli fyrir framan hús.


Lýsing eignar:
Forstofa: Með nýlegu gegnheilu eikarparketi á gólfi og fatahengi.
Stór stofa: Sem rúmar bæði setustofu og borðaðstöðu. Mikil lofthæð og nýlegt gegnheilt eikarparket á gólfi. Útgengi er um vængjahurð út á stóra timburverönd með glæsilegu útsýni.
Opið eldhús: Með nýlegu gegnheilu eikarparketi á gólfi, falleg spónlögð hvíttuð eikarinnrétting, Smeg bakaraofn og gashelluborð, gluggar til austurs og miklir gluggar til suðurs. Möguleiki á að kaupa Miele kæliskáp og uppþvottavél með.
Svefnherbergi I: Með nýlegu gegnheilu eikarparketi á gólfi, gluggi til norðurs og góðir skápar.
Gestasalerni: Með parketi á gólfi, upphengt salerni, gluggi til austurs og innrétting við vask.
Hjónaherbergi: Er mjög rúmgott með gegnheilu eikarparketi á gólfi og glugga til norðurs.Gengið er upp í ris frá hjónaherbergi og aðalbaðherbergi.
Baðherbergi: Með parketi á gólfi, sturta, upphengt salerni, innrétting við vask, handklæðaofn og gluggi til norðurs. Gengið er inn á baðherbergi frá hjónaherbergi.
Risloft: Með gluggum til norðurs og brunaútgang. Grunnflötur liggur í u.þ.b. 30 fermetrum og nýtanlegir fermetrar með fullri lofthæð u.þ.b. helmingur af þeirri stærð.
Viðbygging: Með sturtu- og geymsluaðstöðu, handklæðaofn. Nýtist á sumrin sem baðherbergi fyrir heitan pott og geymsla fyrir grill, útihúsgögn o.fl. á veturna.
Geymsla: Hurð að framanverðu/við inngang. Inntaksrými og geymslupláss fyrir áhöld o.fl.

Lýsing gestahús: 
Aðalrými: Er rúmgott með plastparketi á gólfi, gluggar til suðurs og austurs og panell á veggjum.
Baðherbergi: Með plastparketi á gólfi, sturtuklefa, innrétting við vask, gluggi til vesturs, salerni, handklæðaofn og panell á veggjum.
Útigeymsla: Með rafmagni og hillum. Nýttur í dag sem verkfæra og áhaldsskúr.
Sólpallur: Snýr til suðurs með glæsilegu og víðáttumiklu útsýni yfir sveitir Árnessýslu, Heklu, Eyjafjallajökli og víðar.

Lóðin er stór eignarlóð 30.000 fermetrar að stærð, vaxin birki og lynggróðri, sem bíður upp á mikla möguleika og ýmis tækifæri.

Akstursleið frá Reykjavík er um 100 km. Um er að ræða heilsárshús og land í nágrenni við mikla náttúrufegurð og þekkta ferðamannastaði. Um 15 km. er á Geysi og 25 km. að Gullfossi. Stutt er á Flúðir og Laugarvatn.