Hólahjalli 12, Kópavogur

Verð: 0


Tegund:
Einbýlishús
Stærð:
374.30 m2
Inngangur:
Sérinngangur
Herbergi:
9
Byggingarár:
1992
Svefnherbergi:
5
Fasteignamat:
89.250.000
Baðherbergi:
3
Brunabótamat:
98.220.000
Stofur:
4
Bílskúr:

Fasteignamarkaðurinn ehf. s: 570-4500 kynnir virkilega vandað og glæsilegt 374,3 fermetra einbýlishús á tveimur hæðum, að meðtöldum tvöföldum bílskúr, á einstökum útsýnisstað við Hólahjalla í suðurhlíðum Kópavogs.  Eignin stendur efst og innst neðan við götu í Hólahjalla, sem er lokuð og róleg botngata, og vísar á móti suðri.  Allar innréttingar, gólfefni og loftaklæðningar eru afar vandaðar úr kirsuberjaviði. Mögulegt væri að gera aukaíbúð í hluta neðri hæðar hússins.  Húsið er teiknað af Hildigunni Haraldsdóttur og fékk hönnunarverðlaun Kópavogs árið 1994.  Á efri hæð hússins er mjög mikil lofthæð og innfelld lýsing í loftum.  Stór þakgluggi er yfir efri hæðinni, sem gefur mikla og fallega birtu inn í húsið

Lýsing eignar:

Efri hæð hússins, sem er 190,9 fermetrar að stærð skiptist þannig:

Forstofa: stór, norsk skífa á gólfi og miklir fataskápar.  Falleg birta kemur í gegnum stór gler fyrir ofan fataskápa, sem skilja að forstofu og stofur hússins.
Gestasnyrting: með glugga, skífa á gólfi.
Fataherbergi: innaf forstofu, norsk skífa á gólfi.
Hol: parketlagt og bjart.
Eldhús: parketlagt og með fallegum upprunalegum viðarinnréttingum með tengi fyrir uppþvottavél. Góð borðaðstaða og útgengi á um 25 fermetra verönd til suðurs og vesturs úr eldhúsi.
Samliggjandi stofur: mjög stórar og bjartar, parketlagðar og með útgengi á svalir til suðurs. Fallegur og mjög stór arinn er í stofum, sem sést einni í úr holi.  Frá stofum og svölum er einstakt útsýni yfir Kópavoginn, Reykjanesið, að Bláfjöllum og víðar.
Gangur: parketlagður og með fataskápum.
Barnaherbergi I: stórt og parketlagt.
Baðherbergi: með glugga, marmaralagt í gólf og veggi, innréttingar og baðkar með sturtuaðstöðu. Úr baðherbergi er þvottarenna niður í þvottaherbergi á neðri hæð hússins. 
Hjónaherbergi: stórt, parketlagt og með miklum fataskápum. Úr hjónaherbergi er útgengi á rúmgóðar og skjólsælar svalir til suðurs.  
Fataherbergi: innaf hjónaherbergi. Gluggi og innréttingar.

Neðri hæð hússins, sem er skráð 139,8 fermetrar að stærð og gengið er á um mjög fallegan stálstiga með viðarhandriði í kring, viðarþrepum og leðurklæddum stál-handlistum skiptist þannig:
Alrými: mjög stórt og er m.a. nýtt sem sjónvarpsstofa, parketlagt og með norskri skífu á gólfi.  Úr alrými er útgengi á lóð til suðurs.
Barnaherbergi II: parketlagt og stórt með fataskápum, föstu skrifborði og hillum.
Barnaherbergi III: parketlagt og stórt með útgengi á lóð til vesturs.
Gangur: parketlagður og með fataskápum.
Þvottaherbergi: stórt, flísalagt og með miklum innréttingum, vinnuborði og vaski.  Úr þvottaherbergi er útgengi á stóra hellulagða verönd til austurs.
Baðherbergi: með glugga, flísalagt í gólf og veggi, innrétting og baðkar með sturtuaðstöðu.
Barnaherbergi IV: parketlagt og stórt með fataskápum. 
Fjölskyldurými: sem er innaf alrými neðri hæðar er um 50 fermetrar að stærð og með fullri lofthæð en er ekki inni í fermetrafjölda hússins.  Þetta rými er parketlagt og loftræst og skiptist í tvo hluta.  Annars vegar rými sem m.a. hefur verið nýtt undir billiard- og borðtennisborð og hins vegar góða geymslu með hillum.  Að þessu rými viðbættu er húsið í raun um 425,0 fermetrar að stærð að meðtöldum bílskúr.

Bílskúrinn, sem er 43,6 fermetrar að stærð er tvöfaldur með tveimur innkeyrsluhurðum, gluggum, göngudyrum, epoxy á gólfi, hita og rennandi heitu og köldu vatni og góðri lofthæð.

Lóðin: er fullfrágengin með hellulagðri innkeyrslu og stéttum fyrir framan hús og bílskúr með hitalögnum undir. Stór hellulögð verönd er útaf neðri hæð til suðurs og austurs.  Fallegur gróður er á lóðinni og falleg lýsing.

Húsið að utan: er í góðu ástandi, sem og gler og gluggar, þakjárn og þakkantur.

Staðsetning eignarinnar er virkilega góð á skjólsælum og einum fallegasta útsýnisstað höfuðborgarsvæðisins. 




Óðinsgötu 4, 101 Reykjavík - – Sími 5704500 – fastmark@fastmark.is - http://www.fastmark.is