Vatnsendahlíð 31, Borgarbyggð

Verð: 34.900.000


Tegund:
Sumarhús
Stærð:
82.00 m2
Inngangur:
Sérinngangur
Herbergi:
4
Byggingarár:
2000
Svefnherbergi:
3
Fasteignamat:
20.605.000
Baðherbergi:
1
Brunabótamat:
29.065.000
Stofur:
1
Bílskúr:
Nei

Fasteignamarkaðurinn ehf., s. 570-4500 kynnir fallegt heilsárshús við Vatnsendahlíð nr. 31 í Skorradalshreppi. Eignin stendur á 2.975,0 fermetra leigulóð á jarðarmörkum Vatnsenda og skógræktarinnar í Hvammi. Hornlóð á besta stað við vatnið (vatnalóð). Fallegt útsýni yfir Skorradalsvatn og fögur fjallasýn (Dragafell, Mófell, Skarðsheiði og Skessuhorn). Eignin er í klukkutíma akstursfjarlægð frá Reykjavík. Stutt í ýmsa afþreyingu, svo sem golf, hestaleigu, sund o.fl. Einnig stutt í verslun, veitingahús og söfn í Borgarnesi.

Húsið er skráð 75,6 fermetrar auk 10,0 fermetra gestahúss (skráð í FMR 6,4 fermetrar) eða samtals um 86 fermetrar. Að auki er yfirbyggt skýli/geymsla 8 fermmetrar sem ekki er inni fermetratölu hússins. Húsið var byggt árið 2000, sérstaklega styrkt og vandað í hólf og gólf. Beykiparket á stofu og herbergjum. Nátturuflísar á forstofu, baði og eldhúsi um umhverfis arinn.  Stór sólpallur og stéttir umhverfis húsið (um 100 fermetrar) með  grindverki og skjólgirðingu.  Heitur pottur og útisturta. Húsið er byggt á steyptum sökkli og er með skriðkjallara.  Olíufylltir rafmagnsofnar.

Skiptist í forstofu, baðherbergi, eldhús, borð- og setustofu, 3 svefnherbergi  auk gestahúss.
Forstofan (4 fermetrar) er með fallegum náttúruflísum á gólfi,  góðu fatahengi, skórekka og kommóðu.  Fallegt keramik loftljós.  Gott baðherbergi (4 fermetrar) með viðarinnréttinu með vaski í borði, neðri skápum og þvottavél. Tveir efri skápar, ljósakappi og stór spegill. Lokuð sturta.
Stofan er bæði borðstofa og setustofa (30 fermetrar) með góðri lofthhæð, stórum gluggum til SV og einnig til vesturs og austurs. Kamína. Í stofunni er stækkanlegt borðstofuborð og 8 stólar sem og tveir stórir skápar. Leðursófasett, sófaborð og tvö önnur borð.  Tengi fyrir sjónvarp. Falleg veggljós, borðstofuljós, standlampi og borðlampi í stíl.
Svefnherbergin eru þrjú og öll mjög rúmgóð. Hjónaherbergi  (10 fermetrar) með þreföldum fataskáp með spegli, tvöföldu rúmi með náttkommóðum og einni stærri. Bókahillur. Tvö veggljós yfir rúmi og eitt loftljós (spænskt keramik). Tengi fyrir sjónvarp. Gestaherbergi (7 fermetrar) með tvöföldum skáp með spegli, tvö rúm og kommóða. Ljós yfir rúmum og keramik loftljós. Barnaherbergi (5 ferrmetrar). Tvíbreytt rúm og efri koja. Tvær hillur á vegg. Skrifborð og tengi fyrir Alnetið. Reykskynjararí öllum vistarverum.
Eldhúsið (6 fermetrar) er með góðri viðarinnréttingu og vönduðum tækjum; eldavél með  keramikhellum og bakarofni, uppþvottavél og stórum kæliskáp. Náttúruflísar á gólfi og fallegt keramik loftljós og einnig ljós undir efri skápum og yfir vaski. Útgengt á sólpall.
Gestahús: Skráð stærð 6.4 fermetrar er í raun 10 fermetrar.  Flísar á gólfi og handlaug. Þar er einnig hitakútur fyrir húsið og vatnsinntak.  Hitaleiðarar með lögnum.
Stór sólpallur (um 100 fermetrar)  er við  húsið með grindverki og skjólgirðingu. Heitur pottur. Lóðin er glæsileg, með fallegum trjám, kjarri, runnum, lítilli tjörn með gosbrunni og martjurtagarði. Þrjár hraunvörður prýða lóðina. Grasflatir, hellu- og steinlögð stétt. Heimreiðin er um há trjágöng, (Allé). Malbikaður vegur alla leið úr bænum, góð aðkoma og bílastæði.

Eign þessi er á óviðjafanlega fallegum og jafnframt kyrrlátum stað. Hornlóð við fjallavatnið fagurblátt  með kjarri og  háum trjám á alla vegu og villtri náttúru.  Húsið snýr í SV og nýtur vel sólar. Einstök veðursæld er í Skorradalnum. Vatnið býður upp á ýmsa möguleika, svo sem veiði, siglingar og alls konar vatnasport. Mikil vetrarfegurð er þar einnig  og því  ekki síðra að dvelja þar á stjörnubjörtum kvöldum með norðurljósum.
Hluti af innbúi, utan persónulegra muna og útihúsgögnum getur fylgt, ef um semst, sláttuvél og garðyrkjuáhöld, einnig vatnabátur með utanborðsmótor.




Óðinsgötu 4, 101 Reykjavík - – Sími 5704500 – fastmark@fastmark.is - http://www.fastmark.is